Medaur zotëron rreth 50 ha vreshta të shpërndara ne 13 lokacione të ndryshme përshtatur për rritjen e të gjithë varieteve. I gjithë procesi i është nënshtruar një studimi të detajuar nga ekspertë të fushës për të analizuar parametrat e tokës, të zonës dhe përshtatjen e varieteve te rrushit për rritjen e tyre. Tokat janë gurishtore e të ngrohta, të cilat shtrihen përgjatë bregut verilindor të Liqenit të Shkodrës, pllajës së Zagorës dhe luginës së bukur të Shkrelit Malësia e Madhe është një natyrë e pastër ku e kombinuar me kërkesat tona kemi përshtatur rritjen e rrushit autokton Kallmet dhe sigurimin e një cilësie perfekte në shije, aromë, ngjyrë. Rreth 300 m mbi nivelin e detit është fshati Zagorë i rrethuar nga malet e bukura në fushat e të cilit rriten varietet tona si Chardonnay, Cabernet, Trebbiano, Angelot shoqëruar me freskinë dhe aromën e një vere me kualitet të lartë dhe një shije që zgjat. Dëshira jonë e madhe për të pasur një verë autoktone shqiptare ka bërë që fokusi jonë të jetë drejt asaj që ne e njohim mjaft mirë rrushin Kallmet të cilit do ti shtojmë numrin e parcelave tona për ti dhënë dimensione të tjera në ngjyrë, shije dhe aromë.